焱丸水產

營業中

休息中

星期六黎到尖沙咀，突然想食餐好既開始呢個週末，之前係日本想食水產店又冇食到，決定今日食一食佢！同日本食飯一樣，一開始叫杯野飲，呢到high ball酒味重，睇黎都係重手野，抵飲！一開始係沙律前菜，蕃茄去皮加上麻醬同好滑既豆腐，食落清新，好岩夏天食用！跟住叫左刺身五點盛同我最愛既赤貝！同日本出名既連鎖水產店唔同，呢到刺身水準好好，海膽唔會有苦澀味同時其他魚都好厚好鮮，赤貝一樣海水味重，口感因為大隻所以比較軟身但同時裙邊爽口！主角當然係各種水產燒烤啦，帆立貝分別叫左海膽同松葉蟹膏味，蟹膏味道比較突出，同帆立貝燒格外鮮甜。甲羅燒就叫左味增同黑松露味，黑松露味道濃厚，同蟹膏好夾，用黎撈飯更加係一絕。最後仲有鮑魚殻燒，其實係日本好少會叫鮑魚黎燒，所以今次試下佢，由於全程都係店員幫我地燒，所以質地燒得剛剛好，由其鮑魚燒得好好，口感好彈牙。最後仲有個蠔鍋飯，蠔味十足，重味既青椒比較少，黃同紅椒比較多，食落好甜，每粒飯都有汁包住，感覺師傅幾用心主理。總結係香港食水產店材料新鮮同時又有好多味道配合，比起日本食多左一啲新嘗試，店員態度好好又會幫手處理食材，值得再黎！