影片
更多
2024-11-20
610 瀏覽
諗緊今個週末食啲乜嘢？呢間中環嘅居酒屋假日套餐非常之豐富！有好多款好食嘅串燒，亦都有唔少小食同主食～咁多嘢都只係$298🥹♥️用OpenRice訂就有㗎啦😆最重要嘅係有清酒任飲，全日都有得飲！女士仲要只需$98😍非常之抵，每日仲有四款可以選擇🥰大推呢款Openrice假日二人前套餐:🥗灸燒魚盛沙律有成六片魚咁多，超級抵食！可以揀沙律或者炒菜，沙律非常清新開胃~💫鰹魚半敲燒鰹魚微微燒香，加埋各種配菜，例如薑蓉同埋蒜頭等等，帶出魚嘅鮮味！🐙霜降り水八爪足薄造平時我唔係好鍾意食八爪魚，但係呢個有薄又唔會好硬，切到好薄包住Wasabi粒粒食超級正～爽口又好食！✨珍寶蝦、唐揚炸雞 、甘栗紫薯餅炸嘢係人都鍾意，呢度嘅炸物好乾爽，唔會食完之後好口渴或者好油膩嘅感覺，特別鍾意個栗子紫薯餅，層次超級豐富！🐟金山寺味噌煮可愛鯖份量非常之大，鍾意食魚嘅朋友一定覺得好開心！調味唔會過鹹，魚肉加上醬汁非常惹味～🍢雞胸軟骨串、雞頸串、青椒仔、芳壽腸、雞腎估佢唔到一個套餐包咁多樣串燒，最特別嘅係包埋雞頸串，仲有腸仔都係日本直送，真係同日本食嘅一樣味🤪🐮和牛湯烏冬、和牛丼應該係驚大家唔夠飽，所以個烏冬同埋個飯都超大碗😂
大推呢款Openrice假日二人前套餐:
🥗灸燒魚盛沙律
有成六片魚咁多，超級抵食！可以揀沙律或者炒菜，沙律非常清新開胃~
💫鰹魚半敲燒
鰹魚微微燒香，加埋各種配菜，例如薑蓉同埋蒜頭等等，帶出魚嘅鮮味！
🐙霜降り水八爪足薄造
平時我唔係好鍾意食八爪魚，但係呢個有薄又唔會好硬，切到好薄包住Wasabi粒粒食超級正～爽口又好食！
✨珍寶蝦、唐揚炸雞 、甘栗紫薯餅
炸嘢係人都鍾意，呢度嘅炸物好乾爽，唔會食完之後好口渴或者好油膩嘅感覺，特別鍾意個栗子紫薯餅，層次超級豐富！
🐟金山寺味噌煮可愛鯖
份量非常之大，鍾意食魚嘅朋友一定覺得好開心！調味唔會過鹹，魚肉加上醬汁非常惹味～
🍢雞胸軟骨串、雞頸串、青椒仔、芳壽腸、雞腎
估佢唔到一個套餐包咁多樣串燒，最特別嘅係包埋雞頸串，仲有腸仔都係日本直送，真係同日本食嘅一樣味🤪
🐮和牛湯烏冬、和牛丼
應該係驚大家唔夠飽，所以個烏冬同埋個飯都超大碗😂最後係食唔晒要打包嘅😂但係真係好足料，大大片牛肉☺️
♥️紅荳最中餅、抹茶蕨餅
超級鍾意個抹茶蕨餅！完全係日本嘅味道啊！
張貼
