Bizou American Brasserie (已結業)

周末去睇戲，得返金鐘呢度仲上映。搵附近有得飲酒的地方，驚喜發現周末有 happy hour。本來係book咗台食晚飯，去到唔係好肚餓，結果每人3杯酒, 食少少佢個hh snack bar （有d salad， cheese，cold cut，麵包），同埋點咗一份青口同薯條share。Snack bar 質素ok啦，附送免費的就唔挑剔喇。青口好味，係白酒煮。薯條正常。我嗰3杯酒，第一杯係啤酒，第二杯氣酒，第三杯係威士忌蘋果汁cocktail。其實本應係buy one get one free嘅（即係每人兩杯or四杯），不過可能佢見我地應該飲唔到咁多，所以通融吓~ 我覺得餐廳食物有水準，服務不錯，酒水方面紅白氣啤酒穩陣d，杯cocktail有點太甜唔多啱飲。埋單每人$3XX 左右。P's 套戲頭半個鐘訓咗，溝酒真係好易眼瞓