影片
更多
2020-06-25
4483 瀏覽
由於小弟都幾鍾意去旅行，窮遊見識吓呢個世界，所以，有儲開飛行里數嘅習慣，但就絕對唔會為儲里數去刻意消費。不過，有啲推廣優惠，而計落好有數嘅，就會考慮吓。最近，「Asia Miles x OpenRice」推出個「里賞餐饗週」，除Openrice本身訂座系統有里數獎，享用指定精選餐單又有額外100里，跟手用埋「運通國泰航空尊尚信用卡」埋單再送500里，咁碌呢張卡本身都有里數。晌咁多餐廳中，揀咗主打英國菜嘅「Bricklane Gallery」，一來喺未試過，二來見佢啲風評唔錯，仲有個重點喺起錶消費唔高嘛。可能做緊個推廣關係，星期六嘅午餐時段，唔訂座喺無位嘅，排我前面幾位都喺訂咗個推廣餐，甚至後嚟側邊嘅客都喺因為個推廣而嚟。相信大家都計過數，真喺比平常消費儲里數多幾倍。鋪面，有啲戶外位，伴有好多植物，襯以小木椅，有種渡假感，但烈日當空，時值又正午，絕對唔會感到太舒服。室內環境又點？感覺有啲英倫復古風，木地板、高身吧位、梳化位……都顯得型格，昏暗嘅燈光，甚有氣氛。不過，枱與枱之間非常之密，枱上所插嘅膠檔對防疫都好有限。而最大問題，喺廚房門大開，室內嘅抽風都一般，雖然，無話彌漫一片油煙，但絕對
可能做緊個推廣關係，星期六嘅午餐時段，唔訂座喺無位嘅，排我前面幾位都喺訂咗個推廣餐，甚至後嚟側邊嘅客都喺因為個推廣而嚟。相信大家都計過數，真喺比平常消費儲里數多幾倍。鋪面，有啲戶外位，伴有好多植物，襯以小木椅，有種渡假感，但烈日當空，時值又正午，絕對唔會感到太舒服。
室內環境又點？感覺有啲英倫復古風，木地板、高身吧位、梳化位……都顯得型格，昏暗嘅燈光，甚有氣氛。不過，枱與枱之間非常之密，枱上所插嘅膠檔對防疫都好有限。而最大問題，喺廚房門大開，室內嘅抽風都一般，雖然，無話彌漫一片油煙，但絕對感到嗰陣油煙味。老婆亦話坐到中段，雙眼都感到有啲澀。
雖然，餐廳嘅名物喺Egg Benedict、All Day Breakfast，但今次到訪純粹喺試佢哋聯乘嘅精選套餐。佢哋一向都有供應午餐，但今次嘅精選套餐睇落確喺幾抵，包餐湯、前菜（沙律或烤百吉包）、主菜（3揀1）、甜點及餐飲，定價都喺$168 +10%。
每日湯之選是日餐湯喺周打蜆湯，伴上意大利香草包（喺小弟頗為喜愛嘅包款之一）。個湯質感濃稠，而且，用料十足，湯內有唔少蜆肉；而個香草包軟綿，甚有香草香。老實講，單喺呢個組合，已經可以好飽肚，所以，打後嘅主菜，老婆只食到半份，剩低嗰啲由小弟包底。
每日湯之選
145 瀏覽
0 讚好
0 留言
烤雞肉凱撤沙律喺精裝版嘅凱撒沙律，但其實啲羅馬生菜已經沾咗醬汁，其他基本元素，如煙肉碎、烘麵包粒，梗唔少得。咪睇外表平平凡凡，味道確喺唔錯，生菜好爽脆，烤雞肉切成粒，方便入口，兼且肉質都算嫩口。
烤雞肉凱撤沙律
66 瀏覽
0 讚好
0 留言
煙三文魚牛油果烤包麵包選取百吉包，輕輕烘過嚟，塗上牛油果蓉，再鋪上煙三文魚，食味鹹香清爽。但實情唔止咁，煙三文魚下，仲混入青瓜粒、紫洋蔥、蕃茄粒、火箭菜，味道及口感都變得多元化。一客仲有成3件，若以一個人嘅套餐而言份量可不少喔！
煙三文魚牛油果烤包
79 瀏覽
0 讚好
0 留言
香煎紐西蘭肉眼雖然無註明肉眼重量，睇落應有10安以上，絕無將貨就價之感。一大件肉眼，選上五分熟，除伴有好多薯菜：炸新薯、烤青瓜、烤意大利黃瓜……等等，以及一小件傳統嘅約克郡布甸，感覺夠晒大堆頭，啱晒嗜肉嘅朋友。
啲紐西蘭肉眼確喺有質素，肉味濃郁，煎得外層有陣陣焦脆，內裡恰到好處，唔會太生見血，肉汁豐盈。要挑剔嘅喺，稍稍多咗啲筋位。
香煎鱸魚老婆就揀鱸魚，餐牌就咁寫住香煎鱸魚，有咩伴菜嚟到先知，但單喺賣相亦有啲驚喜。整件鱸魚柳非常大件，冚晒成隻碟咁滯，煎得金黃，未食都感受到嗰香脆感。果然，鱸魚入口外層極為香脆，無半點油膩，而且，肉質嫩滑細緻，喺具質素嘅食材。
香煎鱸魚
39 瀏覽
0 讚好
0 留言
伴菜方面，咪以為得面頭炷菜，原來下面有蕃薯蓉，打得軟滑香甜，極濃嘅蕃薯味，老婆大讚好食。
朱古力雪糕套餐有兩款甜品供選擇，我哋兩個人就自不然揀晒兩款，可惜，落單時已話無晒「紅絲絨蛋榚」（咁早就無？），只以普通嘅朱古力雪糕代替（我見佢門口嘅凍櫃擺放有其他蛋糕）。雖然，唔知雪糕喺咩品牌，但食落都覺得唔喺啲平價嘢，朱古力味香濃，質感挺身且富奶香。
特濃朱古力蛋糕另一款喺指定嘅特濃朱古力蛋糕，賣相頗為精緻，一層間一層，做法花咗多點時間。食落似美式蛋糕嘅「布朗尼」，不過，加入軟朱古力漿層，所以，入口朱古力味超濃郁，而口感挺實。
特濃朱古力蛋糕
27 瀏覽
0 讚好
0 留言
呢杯熱朱古力喺店家嘅招牌，不過，老婆話早知連甜品都轉埋朱古力雪糕，仲要額外加$20，加上食到咁飽，就寧願點番普通熱茶。但喺，佢都讚杯朱古力好似，香濃幼滑，加埋拉咗花，又伴咗一串綿花糖，更要加佢分啦。
香橙拿鐵 +$20拿鐵一向喺小弟心水，而香橙拿鐵唔喺咁經常見，所以，更要試試。杯拿鐵唔喺就咗唧啲香橙糖漿，而喺加片香橙乾，賣相自然更好睇。佢哋啲餐飲寧舍大杯，伴甜點可以慢慢嘆。而杯拿鐵沖得頗香醇，帶微微橙香，口感均勻。
香橙拿鐵
46 瀏覽
0 讚好
0 留言
張貼
