味千拉麵 (ac5) (已結業)

下午於味千用膳，先嚐日式豆腐，面上有木耳帶來搖曳動感，外層薄脆，內層豆腐溫熱滑口，唔錯噃！日式秘製炸雞是贈送小食，雞件已去骨，方便食用。炸雞口感則略為乾鞋，只屬一般。日式手造餃子餃皮夠薄，菜肉比例平均，香中帶爽，OK。主食豬軟骨拉麵，湯底頗香甜，豬軟骨份量不少，算腍身並富肉香。拉麵幼身，食味合預期。另一主食蕃茄湯肥牛拉麵，湯底比相片賣相清淡，茄香稍嫌不夠強。肥牛肉質韌身，無乜味，不甚出色。