影片
更多
2024-11-02
314 瀏覽
戲曲中心入面原來有間好鬼正嘅中菜餐廳，呢日跟同老婆大人同朋友一齊去食飯，估唔到都幾出色好有驚喜喎。間餐廳就喺西九龍戲曲中心入面嘅遊園，餐廳嘅裝修好古色古香都幾有味道㗎。先嚟叫兩個前菜嘆吓！呢個同平時食嗰啲青瓜有啲啲唔同，佢係用咗金桔醋嚟配青瓜嘅前菜，除咗清甜爽口嘅青瓜之外加埋酸酸地嘅金桔醋味道特別清香。食完個清新嘅就嚟過邪惡黃金脆魚皮！鹹蛋黃包喺啲炸香嘅魚皮度又點會唔好食吖，呢個時候真係想整返杯啤酒嘆吓。不過年紀大都係唔好飲咁多酒喇！整杯小朋友口味嘅脆脆好立克，加咗啲穀物脆脆有口感好得嚟仲好香甜添。頭抽煎八頭虎蝦大大隻鬼咁厚肉，嗰陣豉油嘅味真係好香食落去勁鮮甜爽口真係冇得彈啊。傳統焗蠔砵整得好乾身蛋味又濃又香，加埋粒粒新鮮嘅蠔肉已經好好味，入面仲加咗補身嘅韭菜令個味道更加鮮明突出。歌樂山鴛鴦雞係用咗雞肉同埋田雞嚟整嘅，雙雞都炸到勁酥脆仲要辣度勁好鬼香口同惹味，不枉我留住兩行眼淚嚟食佢。跟住呢個湘式紅燒肉熱辣辣用煲仔上枱啱晒呢個天時食！紅燒肉炆到好化口仲要肥得嚟一啲都唔漏，加埋個好香甜嘅醬汁真係可以扒兩大碗飯呀。金鈎啫啫芥蘭煲熱辣辣香噴噴咁上枱勁正！脆卜卜嘅芥蘭好嫩口同埋好有菜味，加埋啲
間餐廳就喺西九龍戲曲中心入面嘅遊園，餐廳嘅裝修好古色古香都幾有味道㗎。
先嚟叫兩個前菜嘆吓！呢個同平時食嗰啲青瓜有啲啲唔同，佢係用咗金桔醋嚟配青瓜嘅前菜，除咗清甜爽口嘅青瓜之外加埋酸酸地嘅金桔醋味道特別清香。
食完個清新嘅就嚟過邪惡黃金脆魚皮！鹹蛋黃包喺啲炸香嘅魚皮度又點會唔好食吖，呢個時候真係想整返杯啤酒嘆吓。
不過年紀大都係唔好飲咁多酒喇！整杯小朋友口味嘅脆脆好立克，加咗啲穀物脆脆有口感好得嚟仲好香甜添。
頭抽煎八頭虎蝦大大隻鬼咁厚肉，嗰陣豉油嘅味真係好香食落去勁鮮甜爽口真係冇得彈啊。
傳統焗蠔砵整得好乾身蛋味又濃又香，加埋粒粒新鮮嘅蠔肉已經好好味，入面仲加咗補身嘅韭菜令個味道更加鮮明突出。
歌樂山鴛鴦雞係用咗雞肉同埋田雞嚟整嘅，雙雞都炸到勁酥脆仲要辣度勁好鬼香口同惹味，不枉我留住兩行眼淚嚟食佢。
跟住呢個湘式紅燒肉熱辣辣用煲仔上枱啱晒呢個天時食！紅燒肉炆到好化口仲要肥得嚟一啲都唔漏，加埋個好香甜嘅醬汁真係可以扒兩大碗飯呀。
金鈎啫啫芥蘭煲熱辣辣香噴噴咁上枱勁正！脆卜卜嘅芥蘭好嫩口同埋好有菜味，加埋啲香口嘅蝦乾同肉碎惹味到不得了。
飽肚嘢我哋叫咗個台山菜果臘味煲仔飯！老婆大人話菜果其實即係好似芥蘭頭類嘅菜，加咗入個臘味煲仔飯度即刻爽口咗，同埋個飯乾濕做得啱啱好又唔油膩，攪到我食咗兩大碗先肯收口。
甜品老婆大人就食佢最鍾意嘅桑寄生蛋茶！我試咗一啖個桑寄生味都好濃，而且個甜味教得啱啱好所以佢食得好滿意。
我就鍾意呢個九年百合紅豆沙！九年百合清甜爽脆纖維小又冇苦味，加埋煲到起晒沙嘅紅豆呢碗紅豆沙確係掂。
張貼
