潮州人粉麵店

營業中

休息中

之前經過兩次因為排隊條龍長到不能接受所以走咗。 今日四點幾唔使等位當然入去試一試。 叫咗蝴蝶腩牛肉牛腩河粉。 啲餸嘅份量超多， 但係啲麵就淋得滯， 碎濕濕咁唔好食， 同埋唔知點解一碗粉煮咗好耐， 可能係用心煮， 坐咗咁耐先出到一碗粉，唔怪之門口平日排隊排到人都癲。 佢嘅辣椒油係 幾好味， 但對於我嚟講太辣， 有冬菜配搭非常潮汕感覺。 啲肉煲得 好淋，好入味，但係可能用上太多味精關係，食完之後出到門口頸渴到出唔到聲。 如果可以嘅話麻煩落少啲味精。 呢個價錢真係算抵食。