汀汀烤活魚 (已結業)

今日好想食辣野，朋友話成日經過依間店都好想試，我就捨命陪君子吧。因為我哋六點半已經到，所以唔洗等位，同埋我哋唔係好餓，就只叫咗麻辣烤魚同蒜蓉烤茄子，麻辣只係揀咗小辣，加咗蓮藕同水晶粉做餸。落咗單冇耐就上菜啦，首先對個湯嘅顏色有啲失望嫁，一睇就知真係唔辣，所以我同朋友都好失望，豆豉好多，但冇蒜頭，味道真係有啲不足，不過落咗好多蓮藕，而且條魚好滑。值得一讚嘅係水晶粉另上，唔會因爲煮魚時間長而煮爛佢。茄子嘅賣相唔吸引，而且蒜頭唔多，不過食咗又覺得有驚喜，個汁好好味，好甜好香。反而我覺得茄子仲出色過烤魚同埋個烤魚愈食愈口喝，覺得佢一定落咗好多味精，食完之後啲牙肉腫咗好耐，而且飲幾多野都覺得好口乾