吉野家 (已結業)

話說同我家姐一齊落去食早餐，又唔想食M記，所以就揀咗吉野家。跟住嗌左呢個丹麥肉鬆烏冬餐配日本茶。先講下個烏冬，佢有啲粟米係入面，應該係豬骨湯底，個烏冬都幾冧嘅，但係個湯就真係完全係味精湯，因為真係好鹹同埋食完個口又係好乾，所以我最後都淨係食咗啲烏冬就算。如果丹麥包呢就係喺上面放啲肉鬆，再加沙律醬，個味道都唔錯嘅。然後佢個包呢，外脆內軟，所以係幾好味嘅。食完飲番杯熱茶都幾好，好彩嗌左茶，如果唔係真係鹹到乜咁。