東歐餐廳

今晚食完之後令我好想留返個食評因為曾經都對呢間餐廳印象幾好 覺得食物有特色有質素同有誠意 但今次再訪 覺得各方面都退步左 令到個用餐體驗唔係咁愉快 想留個post希望餐廳都可以改善🥹首先 係態度問題 叫左個三文魚子醬 好記得上次大約年幾前嚟 當時個waiter係會示範一次點樣包嚟食 同幫我地分好份量今次嚟到 淨係全部野擺係枱面就走左 於是我地叫左個waitress嚟 叫佢可唔可以示範一次 佢個樣即刻好唔耐煩 就咁口頭講一講就想走因為朋友未食過 所以我都講話你地之前都有示範 可唔可以再示範一次跟着佢好唔耐煩咁幫我地整 仲要好求其 將2/3材料分左落我朋友到 淨返少少俾我 仲要態度好似發悔氣咁🤷🏻‍♀️ 唔知係咪個portion分得唔好 今次食落冇上次食個種口感 味道 層次分明 難食左好多 成件事好唔用心😞其他食物portion細左好多 個牛脷比起我兩年前嚟食起碼細左一倍 上嚟個時都嚇左嚇今次試左新野 鹿肉 其實冇咩特別味道 但都唔係特別好食 肉比較鞋 同埋唔算紋得好入味Cheesecake個size同味道都同以前唔同 以前偏漿狀d 而定個cheesecake偏散啲 都ok但硬係覺得之前好食