一品雞煲火鍋

營業中

休息中

誤打誤撞去到示威區，好多店舖都無開，所以喺樓下行過見到呢間店有開又有人食緊就上咗去嘞。八點幾九點，客人應該十枱都無，叫咗個牛雜雞煲。首先第一個侍應係廣東話半鹹半淡既年輕女子，好順利地落錯飲品單。第二個女士直情係唔識講廣東話，講啲唔知係咪普通話既方言………我地只係想問食得未。入正題，雞件第一兩舊會覺得好濃好惹味，然後就會覺得好鹹好鹹，其他食物亦一般，價錢中上。食到尾聲將所有野掉哂落煲後熄火打算慢慢食，有第三個識廣東話既職員過黎問：係咪唔要架喇？以為佢問緊空碟所以答咗係呀，然後就暴風式將食緊既碗都收埋，我當時仲拎住緊筷子，其實你地趕收工咪直接講要收工，叫我地食快啲，咁樣真係極反感。咁既價錢真心唔需要食佢，兩個人$575。重點係，我同朋友前日食完，直至今日既大便都係黑色，本人已經第四次都係一樣黑色…雖然暫無其他異樣，但都特意上黎提醒大家一下。總結：免費都唔會再食。