燒烤堂 (已結業)

因為住附近，所以都去過好幾次。今次係10pm左右去食宵夜，去到得我哋一枱。食左燒牛舌芯、牛小排、免治雞肉棒、雞泡魚干、鵝肝多士、翠玉瓜。味道係唔錯，但想講下服務質素。去左幾次都係一路食一路會聽到店員一路煮一路大聲傾偈甚至唱歌，今次更過分，明明得我地一枱，完全唔忙，去到差不多所有枱都冇抹，我哋只可以揀最唔污糟果一枱黎坐；由頭到尾serve我哋嗰個侍應，都係一手攞住手機一隻手攞野食黎；完全唔執枱，我地叫佢先過黎執走食完既碟；每次叫佢地都要大大聲因為佢哋全部係晒喺廚房打緊機；我哋一路食佢有一個店員係坐喺另外一張枱開着聲咁打機；連買單都叫咗兩次。總括黎講，味道係幾好既，但衛生及服務質素係非常低，我地短期內都唔會再去，或者寧願叫外賣拎走算數。