雲貴軒米線專門店

營業中

休息中

尋日放工約佐家姐姐夫食飯，去佐佢哋屋企附近食，家姐話佢平時放工都鐘意去尼間店食米線，話鐘意佢D豬骨湯夠味。既然家姐都話正，咪又試下囉。況且我都鐘意食D濕口野!! 原來尼間米線平日夜晚都要等位，不過都係等左一陣，好快就到我地。坐低姐夫見到隔離台有碟炸豬大腸，就話忽然想食，佢話細個果時，呀哥成日帶佢掃街食炸大腸，依家好少地方會有得食，家姐聽到姐夫咁講，緊係即時和議啦。我地叫左米線和紅薯粉之外，還叫左3個小食，平時唔食開豬大腸既我，真係覺得味道幾好，脆口得尼有一種好特別味道，姐夫就話，就係想食翻尼種味道，古唔到係米線店都有尼D野食，真係直得一讚 !! 其他野食都唔錯，米線豬骨湯底都幾好味。