何車車仔麵 (界限街) (已結業)

今日收工，同朋友約左喺呢度食晚飯。當我喺對面馬路望過去嘅時候，遠處已經見到好多人喺門口出面排緊。原來呢間車仔麵都幾受歡迎，不過見到店內位置甚少，難怪想堂食嘅客人都需要係外面等一陣先入到坐。等咗幾個字終於有得埋位坐，係入坐之前已經盡量安排我哋落咗單先，相信係想加快上菜速度。油麵、豬軟骨、豬頸肉、陳皮魚蛋、葱、乾蒜、咖喱汁中辣食完十分之飽，豬軟骨口感軟腍，軟骨易咬又入味。豬頸肉肉質嫩，唔會太硬。陳皮魚蛋亦唔喺周圍餐廳都會選用，所以呢樣加分！雖然嗌咗中辣，但係我都覺得唔辣，所以喺枱面拎咗辣椒油嚟加。反而辣椒油有料到，加咗兩羹之後辣度即刻提升返，但喺就會搶咗咖喱汁嘅味度。建議想試埋加咗辣嘅味道，可以先原汁原味咁食到咁上下份量先再加辣椒油撈嚟食。而如果情況允許，真喺建議可以外賣，因為舖頭較細，座位亦非常少，住喺附近嘅話買返屋企食會比較舒適，繁忙/食飯時段亦唔使喺門口等到滿頭大汗~ 不過確實幾好食，而且喺度做野嘅一班後生仔幾熱心，服務態度都好好。下次經過都會再想嗌外賣返去慢慢食。支持！