芽莊越式料理 (新城市廣場) (已結業)

6點幾行經沙田，又唔想食得太頹。見呢間越式嘢好似唔錯，時間尚早未有太多人排隊，所以就入去食個dinner！叫咗個會安軟殻蟹卷。佢米紙幾煙韌而且卷得紮實，食落唔會散，抵讚。不過個蟹肉就太硬身，乾，冇乜肉同蟹味。但整體唔錯。另一樣叫嘅係拉揶葉燒牛肉。打開塊葉，入面你滿滿嘅牛肉。份量都幾大！佢入面勁juicy，而且牛味重！放入口牛嘅油脂味喺口入面爆發！係好好食！最後叫多個燒豬扒撈檬。份量係唔細，肉嘅份量都多，肉嘅調味唔錯，食得出有唔同香料，不過豬扒實在係太硬了，有啲難咬。但整體都okay！