嘗樂 (灣仔道)

營業中

休息中

每次未到1點午飯行過都見好多打工仔係呢間餐廳排隊，水準應該不錯。午飯時間除了A-E餐外，另有常餐、泡飯及咖喱飯餐選擇，幾乎照顧大部分食客需要。當日點左蕃茄牛肉泡飯加即磨咖啡。蕃茄切粒略煮，牛肉沒有過量使用梳打粉醃製，有牛肉應有質感。最大驚喜係個上湯，並非大多茶記的雞粉湯，而是有心煮左個高湯去整個泡飯，湯令整個泡飯增添不少，只是略嫌白飯真係有D少，小弟食完都5多夠飽，相信女士就岩岩好，下次餐廳可以因食客性別而增多些少份量！而即磨咖啡並非個個至愛，不過小弟係喜愛飲即磨多於傳統茶餐廳咖啡，咖啡淡奶過多，咖啡味亦5夠香濃，下次可試飲齋啡一嘗咖啡真味！