饞。台式食堂 (如心廣場二期)

營業中

休息中

藥膳排骨既藥膳味都算幾濃郁，排骨份量都多，食完都幾舒服，前菜係台式泡菜，同韓式唔同，我個人黎講就較偏愛韓式泡菜，因為台式泡菜係會偏甜唔會辣。佢跟既醬好特別，有啲腐乳味。加錢配左貢丸米粉，米粉正常，貢丸就唔同平日食既普通貢丸，呢度既貢丸係juicy少少，香啲。鹽水雞同我想像有出入，雖然佢肉既份量都算多，但味道唔夠濃味，一般，可能大舊，所以難入味，我食開既鹽水雞細件啲。而佢跟既辣醬非常好食！但佢個花枝丸就相當正，唔會好油，好香墨魚味，令人想一件接一件咁食。飲品方面，白桃烏龍非常出色，茶底好香，白桃同茶味平衡到，跟餐只係加 $12 咋，都幾抵飲！