影片
更多
2022-01-21
712 瀏覽
生昌潮州海鮮酒家有日心血來潮，叫咗個friend車我地四圍去玩啦。到夜晚又諗唔到食咩，咁就帶咗我地黎到一間係大圍風評唔錯既一間潮州打冷，話大碟夾抵食喎。。。餐廳幾大，大家可以選擇坐室外。但當日有少少涼，所以我地揀坐室內。果次都多人去食，所以揀多咗少少餸。韮菜豬紅豬紅平時比較少食，係打冷先會叫黎食下。本身自己唔太好豬紅，但呢到既豬紅整得幾好食。豬紅質感適中，唔會太硬，亦唔會好似豆腐一夾就散晒。調味都唔會過咸，但韮菜份量太少，失色咗啲。鮮菠蘿生炒骨一睇個樣就知佢大碟啦，好多生炒骨，好多菠蘿，亦都好多醬汁呀！醬汁調味太甜，蓋過晒其他食材既味道，生炒骨好似配角咁，呢個有啲失望。。。潮州街邊炒粉絲朋友同我地坳咗好耐，究竟叫炒粉絲定糖醋麵。最後比佢地拗贏咗。。。黎到都係一樣大大碟，而配料有豬肉，蝦米，雞蛋，少少椒絲等等。食落幾香口，但食多幾啖會發覺佢幾咸下。所以多人黎先好叫呢個，可以攤分下。鹵水自選百搭三拼 (豬頭肉，大鵝腎，金牌大腸)食打冷，點都要有碟滷水野先似樣既。但呢到既滷水拼盤我地覺得都幾貴下，所以我地就叫咗個三拼。食滷水最怕佢滷水還滷水，食材還食材，呢到冇呢個情況，所有野都好入味。本人就
有日心血來潮，叫咗個friend車我地四圍去玩啦。到夜晚又諗唔到食咩，咁就帶咗我地黎到一間係大圍風評唔錯既一間潮州打冷，話大碟夾抵食喎。。。
餐廳幾大，大家可以選擇坐室外。但當日有少少涼，所以我地揀坐室內。
果次都多人去食，所以揀多咗少少餸。
韮菜豬紅
豬紅平時比較少食，係打冷先會叫黎食下。本身自己唔太好豬紅，但呢到既豬紅整得幾好食。豬紅質感適中，唔會太硬，亦唔會好似豆腐一夾就散晒。調味都唔會過咸，但韮菜份量太少，失色咗啲。
鮮菠蘿生炒骨
一睇個樣就知佢大碟啦，好多生炒骨，好多菠蘿，亦都好多醬汁呀！醬汁調味太甜，蓋過晒其他食材既味道，生炒骨好似配角咁，呢個有啲失望。。。
潮州街邊炒粉絲
朋友同我地坳咗好耐，究竟叫炒粉絲定糖醋麵。最後比佢地拗贏咗。。。黎到都係一樣大大碟，而配料有豬肉，蝦米，雞蛋，少少椒絲等等。食落幾香口，但食多幾啖會發覺佢幾咸下。所以多人黎先好叫呢個，可以攤分下。
鹵水自選百搭三拼 (豬頭肉，大鵝腎，金牌大腸)
食打冷，點都要有碟滷水野先似樣既。但呢到既滷水拼盤我地覺得都幾貴下，所以我地就叫咗個三拼。食滷水最怕佢滷水還滷水，食材還食材，呢到冇呢個情況，所有野都好入味。本人就最鐘意豬頭肉，大家可以試下呀。
椒絲腐乳通菜
呢個就普通大排檔既炒菜，正常發揮。
張貼
