泰國婆

營業中

休息中

位於屯門V city這間（泰國婆）泰國餐廳朋友介紹覺得不錯所以黎試下。入到餐廳地方雖然不大，但環境幾舒服，入座後就用QR code落單非常方便。鮮菠蘿海鮮炒飯菠蘿炒飯賣相不錯，炒得好有鑊氣，材料十足，飯粒粒粒分明，菠蘿好鮮甜。泰式肉碎生菜包這碟食泰國菜必點的菜式，生菜細細棵好新鮮又容易入口，豬肉帶有少少微辣又多汁，夾埋生菜食味道一流。泰式炸蝦餅蝦餅炸至金黃色，外皮香脆蝦肉鮮甜又爽口，配搭泰式甜酸醬食，口感不錯。泰式奶茶奶茶味道濃郁，甜甜地又香又滑。青檸梳打酸酸甜甜，解油膩一流！