鼎尚棋哥燒鵝湯館 (已結業)

叫咗叉燒同埋燒腩仔，味道中上，即係話同好啲嘅茶餐廳又或者燒臘檔差唔多。但打出鼎爺個名，我就期待應該有驚喜，好失望。但價錢絕對唔平，每個人成$200 。我差少少算係合格，但你唔好奢望半肥瘦。燒腩仔比較好。我哋每人加$10轉做湯米粉，但啲味精多到不得了，米粉嘅味道同福字即食米粉一樣。我哋食完飯一個鐘之後都仲有味精味，頂唔順，睇表演中場休息就已經要走出去買嘢飲。重頭戲係個燉湯，算係合格，冇驚喜，坊間好多燉湯都係咁樣。同埋你千祈唔好將阿媽屋企嗰啲同佢比，阿媽嗰啲湯濃好多。我哋係叫最貴嗰隻天麻，碗湯有雞湯味，但冇乜藥材味。雖然收中菜館價，個環境就係一個茶餐廳，仲好意思加一服務費，全程連杯茶都冇。如果唔係因為趕時間去戲曲中心睇戲，我會建議大家去第二度食。