廣成麵家

營業中

休息中

之前於大埔返工，間中都會來廣福邨冬菇亭的廣成麵家食午餐，隨住租金不斷上升，廣成麵家最終都要結業，但前排睇面書知道餐廳於大埔重新開張，今日終於有機會再去了。重新開業嘅廣成，位置更就腳，餐廳環境亦較以前乾淨企理。雖然呢度出名魚蛋，但我更喜愛佢地嘅雲吞，雲吞大大粒，鮮蝦餡夠爽口彈牙，當中更有少量芝麻，令雲吞更香口，黑椒牛筋丸亦非常爽，咬落中間仍然有輕微肉汁，而黑椒味亦令人更加開胃。呢度除咗粉麵外，亦有火鍋料賣，臨近冬天可以買返啲返屋企打邊爐喇。