六和素食 (已結業)

餐廳位於鵝頸橋附近某大廈一樓，菜色新穎有特色，造型亦頗為吸引，值得一試。環境寬敞，座位舒適，服務態度都唔錯，勘茶遞水快手。雖然能將素菜煮得香味濃郁，但咁樣反而更加肯定佢加左好多添加劑、調味料，所以好唔好食見仁見智；如果係想食健康素食呢到就未必岩你；但如果係想食好味嘅素食，呢到絕對無得頂。卷物方面幾出眾，試左【素軟殼蟹卷】(走醬)，脆脆地又香口，不過又係食得出多調味。另外，【台式燒肉餐包】係全晚高峰，餐包食落唔會乾，夾埋假嘅燒肉食，當中有適當醬汁調味，而且再加入少少蕃茄、青瓜等，賣相、口感、味道都一流！