影片
更多
2023-08-27
1816 瀏覽
喺新城市搵食預咗唔會平得去邊。多賀野打住米芝連旗號，諗住價錢就算比較高，食物質素應該可以打返個和，點知有少少失望。叫咗兩個麵，分別係招牌嘅醬油拉麵同埋極上蟹黃沾麵。先講醬油拉麵，麵質爽彈，湯底清清哋唔算油膩。叉燒厚薄適中，但略嫌有些微嚡口。整體味道OK。但以$128嚟講，又唔覺好突出嘅地方。另一個極上蟹黃沾麵，上菜時沾面湯用蠟燭keep住溫度，但略嫌溫度唔夠熱，令湯只係keep住微熱，相信湯熱啲會再好食啲。但沾麵湯本身幾出色，蟹味香濃，湯嘅濃稠度適中，做到掛面效果。麵質幾出色，煙韌彈牙，同沾湯配合得好好。最出色嘅係蟹膏同蟹肉小碟。蟹膏有少少調味，但又唔會掩蓋蟹膏本身嘅鮮甜。蟹肉冰凍新鮮爽甜。反而炸蟹部份冇乜驚喜，蟹身有些微腥味。雖然味道OK，但索價$188又真係CP值唔高。值得一讚店員服務周到，經常買枱檢查客人茶杯係咪需要添茶。而且上沾麵時，亦詳細講解點樣品嚐。如果想試吓米芝蓮拉麵，不妨試吓。
叫咗兩個麵，分別係招牌嘅醬油拉麵同埋極上蟹黃沾麵。先講醬油拉麵，麵質爽彈，湯底清清哋唔算油膩。叉燒厚薄適中，但略嫌有些微嚡口。整體味道OK。但以$128嚟講，又唔覺好突出嘅地方。
另一個極上蟹黃沾麵，上菜時沾面湯用蠟燭keep住溫度，但略嫌溫度唔夠熱，令湯只係keep住微熱，相信湯熱啲會再好食啲。但沾麵湯本身幾出色，蟹味香濃，湯嘅濃稠度適中，做到掛面效果。麵質幾出色，煙韌彈牙，同沾湯配合得好好。最出色嘅係蟹膏同蟹肉小碟。蟹膏有少少調味，但又唔會掩蓋蟹膏本身嘅鮮甜。蟹肉冰凍新鮮爽甜。反而炸蟹部份冇乜驚喜，蟹身有些微腥味。雖然味道OK，但索價$188又真係CP值唔高。
值得一讚店員服務周到，經常買枱檢查客人茶杯係咪需要添茶。而且上沾麵時，亦詳細講解點樣品嚐。如果想試吓米芝蓮拉麵，不妨試吓。
張貼
