函館元祖北海道拉麵

營業中

休息中

今日同女友下午去行柏架山，去前去側魚涌搵野食先。側魚涌站出就搵左野食先，行經海光街，見到呢間，想食下拉麵，就入左去。睇到餐牌，呢度啲拉麵基本上一樣，係湯底有分別，我地就點左個牛乳芝士拉麵同沾麵，再加錢$25要多碟餃子（3隻）沾麵係用粗麵，有咬勁，不過湯底好似咸過頭，食完冇點飲啲湯，味道幾好。牛乳芝士拉麵係用普通拉麵，可以加錢轉做粗麵，不過我地冇轉。湯底好濃，芝士份量好多，夾上黎好似舊咬完既香口膠咁。不過我覺得有啲「漏」。湯底飲左小小，平時我食麵係會飲埋湯底（比女友話過唔小次），呢次就飲唔哂，主要原因係味道唔多岩我，普普通通啦。配菜碟餃子幾好食，不過覺得cp值唔高，25蚊先得3隻，除返要$8.3一隻，個人覺得貴左啲囉。