影片
更多
2024-11-09
0 瀏覽
之前睇過啲報道，介紹呢間餐廳嘅廚師係曾經做過港督嘅廚師，所以我特登過嚟試吓，本來想試夜晚，但原來要分兩場，本人就比較鍾意比較自由啲，所以決定晏晝嚟試吓！特登問吓有冇提供小菜？店員答有，就馬上過來book枱試吓。先講吓個地點，實在有啲隔涉，喺大角咀，最近嘅地鐵站就係奧運站，但係佢都要行10幾分鐘，所以呢度嘅租金都應該幾平，而且附近都係啲舊樓，沿途行過去餐廳，見到好多唔同嘅食肆，呢度嘅競爭都幾激烈！佢哋嘅招牌唔顯眼，真係玩咗好耐先見到，入到去，裝修好舊，坦白講，我覺得似一間茶餐廳多啲，一啲都感覺唔到似私房菜！不過，食嘢最緊要係啲食物，裝修唔係最重要！由於係午市嘅關係，佢哋提供好多午市套餐，坦白講真係好抵食，五、六十蚊除咗有個主食之外，仲包埋餐湯同嘢飲，你想點？ 由於我哋係訂咗位，所以佢對我哋特別好招待，仲問我想食咩小菜，我未諗到之前，有個店員不斷推銷我食糯米雞，或是戴安娜王妃都試過，同埋介紹一個差唔多失傳嘅廣東菜，叫做失傳煎釀太子魚肚，要成$60一個。咁講到係失傳咁誇張，都係試吓！跟住又叫我試吓啲蟹，但我擔心價錢好貴，所以冇嗌，最後叫咗個黃金蝦，同埋一個砵酒蠔，最後見到個午市套餐咁抵，最後
先講吓個地點，實在有啲隔涉，喺大角咀，最近嘅地鐵站就係奧運站，但係佢都要行10幾分鐘，所以呢度嘅租金都應該幾平，而且附近都係啲舊樓，沿途行過去餐廳，見到好多唔同嘅食肆，呢度嘅競爭都幾激烈！佢哋嘅招牌唔顯眼，真係玩咗好耐先見到，入到去，裝修好舊，坦白講，我覺得似一間茶餐廳多啲，一啲都感覺唔到似私房菜！不過，食嘢最緊要係啲食物，裝修唔係最重要！由於係午市嘅關係，佢哋提供好多午市套餐，坦白講真係好抵食，五、六十蚊除咗有個主食之外，仲包埋餐湯同嘢飲，你想點？ 由於我哋係訂咗位，所以佢對我哋特別好招待，仲問我想食咩小菜，我未諗到之前，有個店員不斷推銷我食糯米雞，或是戴安娜王妃都試過，同埋介紹一個差唔多失傳嘅廣東菜，叫做失傳煎釀太子魚肚，要成$60一個。咁講到係失傳咁誇張，都係試吓！跟住又叫我試吓啲蟹，但我擔心價錢好貴，所以冇嗌，最後叫咗個黃金蝦，同埋一個砵酒蠔，最後見到個午市套餐咁抵，最後都忍唔住嗌咗一個飯餐，叫做冰火芙蓉蛋飯，仲配埋嘢飲添！
首先嚟咗第一個餸係唔知乜嘢戴安娜每朝都會食嘅糯米雞，每一個都要$40，上到嚟之後我有啲奇怪，坦白講即係糯米雞真係好細隻，$40 －隻咁細嘅糯米雞，裏面究竟係有啲乜嘢呢？結果打開之後，只係一個普通嘅糯米雞，裏面有正常嘅料，完全冇矜貴嘅食材入邊，同你喺唐記，或者係普通酒樓食嘅一樣，去到呢刻我嚴重感覺到我俾咗好多智商稅。坦白講，絕對唔係唔好食，只不過覺得有啲貴！
糯米雞
$40
0 瀏覽
0 讚好
0 留言
糯米雞
0 瀏覽
0 讚好
0 留言
0 瀏覽
0 讚好
0 留言
好啦，到第二個餸，就係失傳煎釀太子魚肚，呢個餸都係好食，不過一樣覺得太貴，只係將啲肉碎放入個魚肚度，加個芡汁，又唔覺得太特別！如果平少少係值得叫的！
失傳太子煎釀魚肚
$60
0 瀏覽
0 讚好
0 留言
跟住就嚟第第三個餸菜就係黃金蝦，坦白講，終於食到廚師嘅功架！首先個黃金係好熱，個啲鹹蛋黃汁好香濃，而且好好味！均衡咁包住啲蝦，正！
黃金蝦
0 瀏覽
0 讚好
0 留言
第四個餸係砵酒蠔，呢個直頭係一絕！呢砵酒好香，啲蠔好大隻，加埋啲紫洋蔥，呢個真係冇得彈！
砵酒焗蠔
0 瀏覽
0 讚好
0 留言
最後仲嗌咗個冰火芙蓉蛋飯，呢個屬於午市套餐！本來冇乜期望，純粹係諗住食個飯，最後反而係最驚喜，$60都唔洗，嗰個芙蓉蛋真係好正，食得出鑊氣！
最後我嘅結論係，除咗嗰第一第二個餸有啲貴，其他都係唔錯，證明個廚師嘅功力係好好，坦白講，呢度嘅環境真係一般，如果可以將啲餸菜嘅價格降低一啲，我就真係會成日過嚟試吓！
張貼
