123泰菜館

營業中

休息中

前排同老婆喺呢間錦上路的泰國餐廳食晚飯。首先點左個細嘅海鮮冬蔭公湯，入面D蝦都幾大隻新鮮，湯嘅酸味同辣道調得啱啱好，都算好味。小食點左泰式鷄肉同豬肉串燒，串燒肉粒又大粒又入味, 唔錯！鹽燒烏頭夠晒大條，入面塞滿香茅同金不換，食落有香草味得唔係太乾身，亦都唔錯！青咖喱牛腩，牛腩有筋又有腩，煮得夠晒淋用嚟送飯一流。馬拉盞通菜份量好足，夠味又夠鑊氣。總括嚟講呢位餐廳食物份量足又幾好味，如果喺附近可以一試。