影片
更多
2017-10-22
1275 瀏覽
Happy Friday去試新野臨入重慶大廈入口，好多人隊卡面係你面前，果d係唔同餐廳嘅營業代表，千其唔好因爲佢地嘅熱情就跟左佢地走，你要鎖定自己嘅目標，去"新德里餐廳"。(一打正旗號比佢地知你想去邊間，唔關事嘅人就會四散，相關嘅人就會出現，帶你行去𨋢口等𨋢)記住問佢拎張VIP 卡，埋單比佢睇，會有9折優惠架。坐底之後，研究左個餐牌好耐，最終帶咗兩杯嘢飲、兩個咖喱、兩個薄餅。☺️嘢飲係必要嘅(雖然佢有水提供)，因為食咖喱嘅時候可以飲野解辣。芒果乳酪，質感較稠，唔會死甜，好飲過許留山d芒果野飲。男朋友叫左杯原味乳酪，我冇試過，冇興趣試，因為我個杯芒果太好味啦😂咖喱方面，我哋叫咗一個羊一個雞。前面橙橙地嘅係，瑪莎拉雞，小辣，味道較濃，甜甜地辣辣地，好開胃。後面黃黃地嘅係，新德里羊，小辣，質地冇瑪沙拉雞咁稠，味道較清，肉質嫩滑。雖然我鍾意食羊，但整體我鍾意過雞多啲。薄餅方面，我哋叫咗一個香蒜薄餅，一個傳統新德里薄餅。香蒜薄餅，厚度外脆內軟，上枱時熱辣辣，蒜味唔會過重，點咖喱食一流。傳統新德里薄餅，我男朋友幾鍾意，覺得佢好特色，但我個人就一般般，因為佢有d似pizza，唔脆，軟林林，上面有一d甜
臨入重慶大廈入口，好多人隊卡面係你面前，果d係唔同餐廳嘅營業代表，千其唔好因爲佢地嘅熱情就跟左佢地走，你要鎖定自己嘅目標，去"新德里餐廳"。(一打正旗號比佢地知你想去邊間，唔關事嘅人就會四散，相關嘅人就會出現，帶你行去𨋢口等𨋢)
記住問佢拎張VIP 卡，埋單比佢睇，會有9折優惠架。
坐底之後，研究左個餐牌好耐，最終帶咗兩杯嘢飲、兩個咖喱、兩個薄餅。☺️
嘢飲係必要嘅(雖然佢有水提供)，因為食咖喱嘅時候可以飲野解辣。芒果乳酪，質感較稠，唔會死甜，好飲過許留山d芒果野飲。男朋友叫左杯原味乳酪，我冇試過，冇興趣試，因為我個杯芒果太好味啦😂
咖喱方面，我哋叫咗一個羊一個雞。
前面橙橙地嘅係，瑪莎拉雞，小辣，味道較濃，甜甜地辣辣地，好開胃。
後面黃黃地嘅係，新德里羊，小辣，質地冇瑪沙拉雞咁稠，味道較清，肉質嫩滑。
雖然我鍾意食羊，但整體我鍾意過雞多啲。
薄餅方面，我哋叫咗一個香蒜薄餅，一個傳統新德里薄餅。
香蒜薄餅，厚度外脆內軟，上枱時熱辣辣，蒜味唔會過重，點咖喱食一流。
傳統新德里薄餅，我男朋友幾鍾意，覺得佢好特色，但我個人就一般般，因為佢有d似pizza，唔脆，軟林林，上面有一d甜甜地鹹鹹地嘅topping+好多椰絲。用呢個薄餅，再點咖喱，我打晒冷震，因為我食到嘅係甜甜地鹹鹹地辣辣地😂😂😂
埋單折後，$225。
環境裝修好異國風情。係乾淨企理嘅，啲服務就真係一般般，成程黑口黑面。不過我黎食嘢嘅，又唔係食服務，嘢食好味就OK啦~
星期五夜晚七點半去到，仲有半場未full，有唔少外國人黎食，本地客就得幾枱。
會再去。
張貼
