影片
更多
2021-11-21
189 瀏覽
細妹成日推介尚青商號嘅鴨血冬粉，但因為好少過海一直都未試到，直到最近佢地竟然係荃灣開分店就諗住試下。星期六around 13:15左右去到門口，見到有6-8個人排緊堂食，另外有4-5個人等緊外賣。望入餐廳其實見到仲有40%位置未入座，心諗應該都唔洗等太耐掛，如是者等咗3個字左右13:30就入咗。裝修都幾靚，文青風，簡簡單單但又唔會太yup咁。waitress安排咗卡位比我同男朋友，同埋叫我地用qr code落單。qr code對落有remarks 10% service charge 同埋限時食1個鐘。睇咗5分鐘到我地就through 手機叫咗：櫻花蝦瑤柱蔥油乾拌麵（手工寬麵）麻辣鴨血煲（配冬粉）椒鹽鹽酥雞熱復刻胚芽奶茶凍復刻胚芽奶茶加珍珠等緊食物嚟嘅時候周圍望下，發覺得好少枱嘅人客係有嘢食，大部分都係㩒緊電話，但佢地喺早我地好多入座架喎，再望真啲樓面得一位同事負責帶位、收銀，送餐，間中帶位男同事喺廚房出嚟幫幫手咁，啫得1.5個人手啦，已經有啲擔心佢地搞唔掂。佢地啲冷氣都開得幾勁，等咗20分鐘坐到凍凍地終於上杯熱飲。味道唔錯幾好飲，可惜好快就比冷氣吹到變涼。再等多10分鐘到就上埋凍飲，
星期六around 13:15左右去到門口，見到有6-8個人排緊堂食，另外有4-5個人等緊外賣。望入餐廳其實見到仲有40%位置未入座，心諗應該都唔洗等太耐掛，如是者等咗3個字左右13:30就入咗。裝修都幾靚，文青風，簡簡單單但又唔會太yup咁。waitress安排咗卡位比我同男朋友，同埋叫我地用qr code落單。qr code對落有remarks 10% service charge 同埋限時食1個鐘。
睇咗5分鐘到我地就through 手機叫咗：
櫻花蝦瑤柱蔥油乾拌麵（手工寬麵）
麻辣鴨血煲（配冬粉）
椒鹽鹽酥雞
熱復刻胚芽奶茶
凍復刻胚芽奶茶加珍珠
等緊食物嚟嘅時候周圍望下，發覺得好少枱嘅人客係有嘢食，大部分都係㩒緊電話，但佢地喺早我地好多入座架喎，再望真啲樓面得一位同事負責帶位、收銀，送餐，間中帶位男同事喺廚房出嚟幫幫手咁，啫得1.5個人手啦，已經有啲擔心佢地搞唔掂。
佢地啲冷氣都開得幾勁，等咗20分鐘坐到凍凍地終於上杯熱飲。味道唔錯幾好飲，可惜好快就比冷氣吹到變涼。再等多10分鐘到就上埋凍飲，味道都係唔錯嘅。再過多15分鐘，男朋友嘅拌麵同鹽酥雞終於嚟到。嗰麵嘅份量就少咗啲，但味道同賣相係好嘅，仲有幾舊木耳同pickles拌碟。鹽酥雞就賣相好好，份量都算多，十零舊，熱辣辣，肉嫩多汁，仲有啲炒香嘅蒜粒同蔥花拌碟，好好味。但同樣因為冷氣太勁，食一陣就完全唔熱，之後直頭變凍。但因為我嗰鴨血仲未嚟，太肚餓嘅我一嚟就啪咗6-7舊雞。
等到距望落單時間差唔多50分鐘嗰陣鴨血終於到。鴨血係跟埋嗰啲一人鍋上，下面有火熱住上。上菜嗰陣職員就話等佢滾起之後就放啲冬粉入去煮。呢個時候男朋友已經食完佢兜麵，坐到好凍嘅佢直頭要番車找外套。咁佢行開咗我就繼續等🤦🏻♀️但見兜嘢完全無起色，小小煙都無，唯有等多陣，點知等多幾分鐘直頭火都無埋但兜嘢仲未滾過。咁我舉手請職員添添燃料同埋請佢可唔可以較細啲嗰冷氣，話兜嘢真係完全滾唔起。咁職員都好好即刻同我加火同閂細冷氣，之後大概等多5分鐘佢就開始滾，咁我就扔埋啲冬粉入去煮，開蓋加粉嗰陣見到有3舊蜂巢豆腐、5-6舊鴨血，兩粒開半嘅貢丸，都幾足料。最後等到男朋友番番嚟我先準備開始食😂味道一樣係唔差，湯底都好幾，再辣多少少同鹹多少少會更惹味。
最後我地食到差唔多3點先埋到單走人。總括嚟講佢地食物水準真係幾好，賣相都吸引。職員服務都唔係差，但真係完全唔夠人手去handle成個場，坐咗陣終於明點解咁多位都唔放人入嚟，因為根本做唔切，見枱枱坐咗一陣都開始你眼望我眼，又不時裝下廚房出餐未，樓面唯一嘅職員就經常要跑嚟跑去收餐具同送餐。
呢間可以再戰，但要等佢請多啲有經驗嘅人手，做到正常上菜速度先可以再試😂
張貼