米線嚫

營業中

休息中

平時唔太起眼嘅一間鋪頭，見到係食米線就試下先，本身都無乜抱希望， 但一上枱，都有驚喜喎。好大碗賣相都幾好，一個酸菜魚（中辣），一個蕃茄湯肥牛風琴豆腐（無辣）。先講米線，質地滑lulu唔係平時爽口嘅口感，初初一夾以為好稔，實際食落又唔算稔，估佢唔到滑嘟嘟好唔錯，但唔鍾意稔口感嘅人外賣就一定要分湯同叫佢煮硬啲，堂食可以話啱啱好，可以硬返一啲就返擺得耐嘅情況。酸菜魚個味唔似平時食開嘅味，係好特別。。。好難形容添，無乜酸菜味但同個辣度係好配合，我覺得好好味，辣唔係麻辣，係好容易入口嘅辣味，個味調得好好，中辣似譚仔中辣嘅辣度。魚塊數量都足，魚質都好味，值得一試。唔食辣可以試蕃茄湯，好濃郁，而且好重肥牛味，個風琴豆腐索哂啲蕃茄湯超正，加咗十五蚊試咗個香茅豬扒，豬扒都好入味好稔唔錯唔錯。一杯冬瓜薏米水，好足料架，有半杯薏米唔算好甜，似屋企自己煲嘅咁，感覺好健康。