影片
更多
2024-10-03
448 瀏覽
再興，不經不覺幫襯咗30年，第一次食係94年，當年喺灣仔新世界扒房做，落場都會同D同事去食。食得最多就係94至99年，當時在灣仔世紀酒店做，只係一街之隔，特別係97年後Canteen外判咗出去，啲嘢難食到一個點，好多時放飯都過去食燒味。近10年威爾斯做，假期都常有幫襯，主要係情懷！雖然佢哋出品都偶有失手，但大部份都係能夠保持水準，一間舖可以食30年真係唔簡單，睇住啲員工由中坑變咗做伯伯，自己都有𡃁仔變咗做大叔⋯⋯今日個叉燒飯好好食，咖喱雞翼都好好食，碗湯就失手啦！成碗都係油，不過我原諒咗佢！唔知仲有幾多年食呢？會係佢哋執笠先吖？定我收皮先呢？是日消費：叉燒飯$42 小食咖喱雞翼$15 例湯$10共$67
食得最多就係94至99年，當時在灣仔世紀酒店做，只係一街之隔，特別係97年後Canteen外判咗出去，啲嘢難食到一個點，好多時放飯都過去食燒味。
近10年威爾斯做，假期都常有幫襯，主要係情懷！雖然佢哋出品都偶有失手，但大部份都係能夠保持水準，一間舖可以食30年真係唔簡單，睇住啲員工由中坑變咗做伯伯，自己都有𡃁仔變咗做大叔⋯⋯
今日個叉燒飯好好食，咖喱雞翼都好好食，碗湯就失手啦！成碗都係油，不過我原諒咗佢！
唔知仲有幾多年食呢？會係佢哋執笠先吖？定我收皮先呢？
是日消費：叉燒飯$42 小食咖喱雞翼$15 例湯$10
共$67
張貼
