美都茶餐廳

營業中

休息中

今日趕時間，見到呢條街有一間茶餐廳就入咗去食, 而且唔使等位。入邊個舖位都比較窄，裝修係比較傳統類似冰室嘅設計。我哋兩個人坐咗一個卡位，但係完全坐唔到四個人嘅，坐兩個人就好闊，但係四個人一定係超迫。是日快餐我揀咗個海鮮炒麵，嚟得超快，我諗應該係入邊炒定嘅，但好彩佢都係好熱辣辣，唔係啲凍冰冰嘅。佢個量就唔算多，材料量都算適中。海鮮材料有一啲蟹柳啦，迷你蠔鼓粒，同埋有啲新鮮迷你嘅墨魚仔魷魚頭之類嘅嘢。其實我覺得嗰啲海鮮餸係唔夾個炒麵，而且個炒麵好軟身, 唔夠硬同乾身，所以整體口感都麻麻地。價錢就都算抵食嘅， $48有湯有嘢飲！但係因為佢個味道普通，而且環境都幾迫（如果唔坐卡位就真係好迫），所以可能要等非繁忙時間先會考慮再食。