影片
更多
2012-10-16
173 瀏覽
上黎睇到有新開韓國餐廳, 所以要去一試! 由於是新開, 而且在山林道, 所以比較少人, 尖沙咀大部份韓國餐廳已被港人攻陷, 好難等位。我們一行6人都是經常食韓國菜及去韓國旅行, 味道要求較高。餐廳唔算太大, 但裝修骨子, 一入門口, 見到兩三個招待的女職員都非常有禮, 打扮亦PRESENTABLE, 印象加分, 唔似其他韓國餐廳係D大叔 / 阿豬媽。座位大部份為4-6人卡位, 亦有一間房, 每台距離得宜, 有間隔/通道分開一台台, 唔會太近聽到隔離台傾計內容, 呢樣係我最欣賞!!! 所以就算坐滿人, 都唔會覺得好嘈。我去過好多中高檔韓國餐廳都非常迫狹韓國餐廳之中, 這家價錢算是比較貴, 我地起初諗住揀大鍋, 因為人多, 但只得4種, 有人唔食牛...其中2種係牛, 反而冇最平常既部隊鍋 / 薯仔湯, 失望......烤肉種類都好多, 除豬牛雞魚外, 有埋海鮮, 背殼, 鮑魚,帶子, 唔係間間韓國餐廳有呢D食架前菜9小碟, 泡菜超辣!!!!! 翠玉瓜煎蛋凍左冇咁好食, 波菜勁咸, 沙律有蛋黃粒, 睇得出有心思, 非常好味!! 有幾舊外型似山竹牛肉, 唔好睇少, 係最好食, 其實係免治牛
我們一行6人都是經常食韓國菜及去韓國旅行, 味道要求較高。
餐廳唔算太大, 但裝修骨子, 一入門口, 見到兩三個招待的女職員都非常有禮, 打扮亦PRESENTABLE, 印象加分, 唔似其他韓國餐廳係D大叔 / 阿豬媽。座位大部份為4-6人卡位, 亦有一間房, 每台距離得宜, 有間隔/通道分開一台台, 唔會太近聽到隔離台傾計內容, 呢樣係我最欣賞!!! 所以就算坐滿人, 都唔會覺得好嘈。我去過好多中高檔韓國餐廳都非常迫狹
韓國餐廳之中, 這家價錢算是比較貴, 我地起初諗住揀大鍋, 因為人多, 但只得4種, 有人唔食牛...其中2種係牛, 反而冇最平常既部隊鍋 / 薯仔湯, 失望......
烤肉種類都好多, 除豬牛雞魚外, 有埋海鮮, 背殼, 鮑魚,帶子, 唔係間間韓國餐廳有呢D食架
前菜9小碟, 泡菜超辣!!!!! 翠玉瓜煎蛋凍左冇咁好食, 波菜勁咸, 沙律有蛋黃粒, 睇得出有心思, 非常好味!! 有幾舊外型似山竹牛肉, 唔好睇少, 係最好食, 其實係免治牛肉球黎。前菜無限REFILL職員冇黑面 , 我地食左好多轉, 覺得收咁貴可以REFILL係應份。
ORDER左唔夠5分鐘, 即刻極速出個牛肋骨, 忍唔住要吃碗白飯, 隻飯碗好靚好厚, 感覺似貴野 =P 同埋好大碗, 但只係 $8 咋 (茶餐廳都唔得啦)
炆牛肋骨 - $188 , 牛肉好林, 唔UN, 非常出色
海鮮大醬湯 X 2 $128 - 第一鍋大家一致認為口味非常正宗, 因為果個咸味, 香港唔係間間煮得出, 見咁好味再ENCORE, 但第二鍋過咸, 失色。不過海鮮都幾鮮, 除左有成隻蝦, 仲有蝦仁, 有蝦味唔係雪藏死蝦。
豆腐海鮮湯 $128 -- 我地研究大醬湯同海鮮湯有咩分別, 都係果D材料, 只係豆腐湯有落辣招粉橙色D , 同埋豆腐種類不同, 海鮮有1/4隻蟹, 蝦及其他背殼類, 總括黎講冇呃稱
豬手 $238 - 味道不錯, 豬手通常都唔會難食
春川炒辣雞 -- 洋蔥好鮮味, 食到唔停口, 一半朋友認為過甜, 另一半覺得甜甜地先好味。
辣汁泡菜鯖魚 $178 -- 比較少人識食呢樣, 其實好好味, D魚係啖啖肉, 泡菜亦唔算太辣
食到慶起想飲米酒, 點知原來佢地冇酒牌........冇得賣酒, 唉丫~~~~~!!
埋單 $1313, 平均每人$218 , 食韓國菜黎講算唔貴 (可能因為我地人多) 但豬手只係食左1/4 , 有3/4要打包, 個個都飽到嘔
如果對餐廳舒適度有要求, 呢間值得推介, 味道亦不錯可以ENCORE
張貼
