雲香園小鍋米線

營業中

休息中

出咗尖沙咀做嘢，中午搞掂咗之後就諗住食個午餐。唔算好肚餓咁就所以過嚟食碗米線，一入到嚟淨係得我一個人。心裏面都驚有啲伏，但係都過到嚟就俾個機會自己試吓啦。雖然叫咗個麻辣米線，但係佢都有少少酸酸辣辣嘅感覺。腩片份量，我覺得係可以接受嘅，但係個豬軟骨同牛腩就偏少，如果佢喺菜單上面寫豬軟骨粒或者牛腩粒粒，咁我有個心理準備或者會好過啲。味道唔差，牛腩都炆得夠腍。反而幾鍾意佢個米線，麵條質地都幾腍滑。如果再有機會嚟食，會試吓佢啲小食。另外食嘢嘅時候建議唔好坐咁近牆邊，千祈唔好問點解自己去感受吓就知咩事。