影片
更多
2021-09-12
296 瀏覽
星期日去咗銅鑼灣行街，我同朋友都想食麵，就醒起希雲街有間「富山麵家」。當年佢同❤️蠟筆小新Crossover嘅時候我幫襯過，但味道就冇乜特別。不過見事隔多年，就俾多次機會佢啦。由於我哋成三點先食晏🙈，餐廳都近乎落場，但好彩師傅肯煮埋俾我哋食先休息，而其後亦有多一台客，壓力即刻冇咁大。餐廳環境正正常常，座位唔多，對比有卡通主題嗰陣有好大分別。餐廳提供多款湯麵及沾麵，大部份定價為$85至$95，要多麵增量版嘅就多$10。我哋嗌咗一碗拉麵同一碗沾麵，另外再加咗份小食。肉汁滿滿餃子($38)，🥟餃子一客有五隻，佢唔算煎得超脆身，但勝在夠多肉汁，簡單蘸醋食已經幾好味。激辛味噌拉麵($95/標準130g)，癮起想食辣就揀咗呢款激辛味噌，辣度可揀微辣、中辣或者重辣🌶。我揀咗微辣，依個辣度令我非常滿意，佢能刺激味蕾嘅同時，但又唔會攻陷你。我估計湯底嘅辣味沿自辣肉碎，佢同其他配料(如粟米粒同蔥粒)好搭調，令到每啖口感食落都好豐富。🍜拉麵麵條偏粗身，軟硬度適中。叉燒有兩塊，肉質唔嚡，邊邊位仲燒得幾香添。🥚溏心蛋都唔錯，入味同夠流心。題外話，你見我飲晒成碗湯就知個湯底真係有幾惹味啦🤤，有圖為證。黃金蟹膏牛奶沾
星期日去咗銅鑼灣行街，我同朋友都想食麵，就醒起希雲街有間「富山麵家」。當年佢同❤️蠟筆小新Crossover嘅時候我幫襯過，但味道就冇乜特別。不過見事隔多年，就俾多次機會佢啦。
由於我哋成三點先食晏🙈，餐廳都近乎落場，但好彩師傅肯煮埋俾我哋食先休息，而其後亦有多一台客，壓力即刻冇咁大。餐廳環境正正常常，座位唔多，對比有卡通主題嗰陣有好大分別。
餐廳提供多款湯麵及沾麵，大部份定價為$85至$95，要多麵增量版嘅就多$10。我哋嗌咗一碗拉麵同一碗沾麵，另外再加咗份小食。肉汁滿滿餃子($38)，🥟餃子一客有五隻，佢唔算煎得超脆身，但勝在夠多肉汁，簡單蘸醋食已經幾好味。
激辛味噌拉麵
$95
10 瀏覽
0 讚好
0 留言
激辛味噌拉麵($95/標準130g)，癮起想食辣就揀咗呢款激辛味噌，辣度可揀微辣、中辣或者重辣🌶。我揀咗微辣，依個辣度令我非常滿意，佢能刺激味蕾嘅同時，但又唔會攻陷你。我估計湯底嘅辣味沿自辣肉碎，佢同其他配料(如粟米粒同蔥粒)好搭調，令到每啖口感食落都好豐富。🍜拉麵麵條偏粗身，軟硬度適中。叉燒有兩塊，肉質唔嚡，邊邊位仲燒得幾香添。🥚溏心蛋都唔錯，入味同夠流心。題外話，你見我飲晒成碗湯就知個湯底真係有幾惹味啦🤤，有圖為證。
黃金蟹膏牛奶沾麵
$95
13 瀏覽
0 讚好
0 留言
黃金蟹膏牛奶沾麵($95/標準130g)，見個組合好似幾新穎，就叫嚟試吓。麵同餸用碟裝住，令我聯想起中華冷麵🤣，哈哈。沾麵汁係呢道菜嘅精華所在，牛奶味好重🥛，鹹甜味得宜，但個汁偏流質，變相掛汁效果弱少少。麵上面泥黃色嗰擗係蟹膏醬🦀，加埋落個汁度會多一份鮮香。不過個汁如果可以用嚿熱石全程㷫住就更佳！
飲品方面，我哋要咗日本蜜瓜碳酸飲品🍈($18)以及大分綠茶🍵($28)。呢兩款都幾好飲，證明餐廳入貨幾有眼光。
總括嚟講，呢日再次到訪富山麵家簡直有令我眼前一亮嘅感覺，味道可以講係煥然一新😋。呢度嘅辛辣湯拉麵真心正，比所謂日式麻辣拉麵專門店嘅出品好食得多。經過今次之後，我會搵機會再嚟幫襯呢👍。
張貼
