影片
更多
2019-08-12
356 瀏覽
話說曾經過呢間餐廳，一直Bookmark了⋯ 直到今日揾銅鑼灣餐廳，入返去睇評語一面倒都係負評。我的冒險精神推動我即管一試。餐廳無餐點，叫完主食再點台式飲品，杯野飲就有8折優惠。咁岩天氣好熱，想食下冷麵，所以我叫左一份雞絲麻醬乾麵。點知⋯ 我都係第一次試過係餐廳食熱的麻醬拌麵。青瓜絲、蘿蔔絲、雞絲、麻醬，呢個配搭真係諗唔到會撈入熱辣辣的麵條。加上麵條無特別用上凍水過冷河，所以會有少少痴埋一堆的口感。我平時好鍾意食麻醬撈麵都食唔曬。男人就叫左一份招牌紅燒牛肉麵。麵條用上粗麵，口感爽口彈牙。牛肉的口感淰身入口，不過D湯雖然幾深色，但味道唔算濃，亦只有淡淡的辣味。我真係好鍾意食糯米飯，意外發現餐廳有大腸包小腸，即叫一份食。小腸都算幾香口，不過大腸的糯米就少了煙韌，米粒有少少乾身。職員有貼心地問我們刨冰要之後定宜家上。每份刨冰都好豐富，芋頭煮得夠淰身，芋丸都好有咬口。不過D冰可能係提早刨好雪好再放入雪櫃，本身刨冰應該係鬆散，熱得濟就會溶⋯ 但D冰上枱時係好似一座冰山咁，要自己「劈」開，無D時間都食唔完碗冰。在於性價比的關係，唔覺得值得試，完。==========================
咁岩天氣好熱，想食下冷麵，所以我叫左一份雞絲麻醬乾麵。點知⋯ 我都係第一次試過係餐廳食熱的麻醬拌麵。
青瓜絲、蘿蔔絲、雞絲、麻醬，呢個配搭真係諗唔到會撈入熱辣辣的麵條。加上麵條無特別用上凍水過冷河，所以會有少少痴埋一堆的口感。我平時好鍾意食麻醬撈麵都食唔曬。
雞絲麻醬乾麵
$50
27 瀏覽
0 讚好
0 留言
男人就叫左一份招牌紅燒牛肉麵。麵條用上粗麵，口感爽口彈牙。牛肉的口感淰身入口，不過D湯雖然幾深色，但味道唔算濃，亦只有淡淡的辣味。
招牌紅燒牛肉麵
$70
71 瀏覽
0 讚好
0 留言
我真係好鍾意食糯米飯，意外發現餐廳有大腸包小腸，即叫一份食。小腸都算幾香口，不過大腸的糯米就少了煙韌，米粒有少少乾身。
台灣大腸包小腸
$36
16 瀏覽
0 讚好
0 留言
職員有貼心地問我們刨冰要之後定宜家上。每份刨冰都好豐富，芋頭煮得夠淰身，芋丸都好有咬口。不過D冰可能係提早刨好雪好再放入雪櫃，本身刨冰應該係鬆散，熱得濟就會溶⋯ 但D冰上枱時係好似一座冰山咁，要自己「劈」開，無D時間都食唔完碗冰。
古早味刨冰
$38
14 瀏覽
0 讚好
0 留言
在於性價比的關係，唔覺得值得試，完。
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
張貼
