影片
更多
2019-03-15
233 瀏覽
本來夜晚係打算食元氣壽司，但礙於太多人排隊等位，又趕住去睇戲，唯有臨時轉場。同樣位於地下嘅Cherry Tokyo Cafe，餐廳格局十分開揚。加上唔使等位，諗咗陣就決定食呢間。見menu啲菜式好似幾好食，一共叫咗4樣，諗住開心share，點知樣樣野份量都細到喊。火灸波波壽司盛（＄88）一共有6件，三文魚親子、帶子、蔥拖羅蓉、牛油果、鰻魚、左口魚邊。味道其實都唔錯，食落都新鮮。但每件壽司個size仲細過卷物壽司，一上枱見到碟野個刻真係嚇親，完全唔可以當主食。明太子焗新薯（＄38）明太子味道幾突出，加上香口熱辣辣嘅焗薯，都幾夾。呢碟又係超級細，同壽司size係一樣。好難得食完兩樣餸，其中一碟係薯仔都可以好似只係食完前菜咁唔飽肚。黑毛粒粒豬（＄58）黑毛豬炒得惹味，豬肉有少許醬汁味道，係幾出色。但都有同樣問題，size同頭先兩碟係一樣......呢三碟嘅size大概比手掌大少少，食完都只係得4－5成飽。Tiramisu雪糕（＄38）呢款係做得幾有tiramisu風味，雪糕面層撒咗唔少咖啡粉，底層則有再加醬汁，營造返冧酒嘅味道。不過雪糕質感唔夠軟身同滑溜，食落冰感較重，亦無乜牛奶香。個人認為
但礙於太多人排隊等位，又趕住去睇戲，
唯有臨時轉場。
同樣位於地下嘅Cherry Tokyo Cafe，餐廳格局十分開揚。
加上唔使等位，諗咗陣就決定食呢間。
見menu啲菜式好似幾好食，
一共叫咗4樣，諗住開心share，點知樣樣野份量都細到喊。
火灸波波壽司盛（＄88）
一共有6件，三文魚親子、帶子、蔥拖羅蓉、牛油果、鰻魚、左口魚邊。
味道其實都唔錯，食落都新鮮。
但每件壽司個size仲細過卷物壽司，
一上枱見到碟野個刻真係嚇親，完全唔可以當主食。
明太子焗新薯（＄38）
明太子味道幾突出，加上香口熱辣辣嘅焗薯，都幾夾。
呢碟又係超級細，同壽司size係一樣。
好難得食完兩樣餸，其中一碟係薯仔都可以好似只係食完前菜咁唔飽肚。
黑毛粒粒豬（＄58）
黑毛豬炒得惹味，豬肉有少許醬汁味道，係幾出色。
但都有同樣問題，size同頭先兩碟係一樣......
呢三碟嘅size大概比手掌大少少，食完都只係得4－5成飽。
Tiramisu雪糕（＄38）
呢款係做得幾有tiramisu風味，
雪糕面層撒咗唔少咖啡粉，
底層則有再加醬汁，營造返冧酒嘅味道。
不過雪糕質感唔夠軟身同滑溜，食落冰感較重，亦無乜牛奶香。
個人認為如果係軟雪糕質感，配上tiramisu會更好味。
總括而言，呢餐真係好唔夠飽，
唔知係我地被餐牌上嘅相呃到定係點，總之叫親都係極細份，好無奈。
自問食量正常，但食埋甜品都唔係好夠，真係有點誇張。
不過由於味道真係唔差，只係份量少，所以都未至於俾劣評。
張貼
