紅葉茶屋 (D2 Place TWO)

營業中

休息中

所有野都係未到話難食，但以呢個價錢黎講，又唔係抵。行過冇選擇都可以入去食下，但特登去食就免了。牛肉壽喜燒定食 $128 👌🏻味道尚可，牛肉嘅牛香味係有嘅。不過講到壽喜燒，一定會期望係有火個種熱鍋咁上。但可惜竟然只係普通碟咁上，好快就凍，冇個種壽喜燒feel。唔算抵食囉。芝士雞肉蕃茄忌廉烏冬 $88 👌🏻成個醬都幾濃芝士味嘅，又有少少蕃茄酸味嘅配搭。不過冇期望中咁好食，未到話覺得搭配得好好或好香嘅感覺。所以味道都只係還好。上面仲有啲勁辣嘅蒜片，食完又係無助提昇味道嘅。定食配菜 👌🏻前菜有兩款。一款主要係蘿蔔絲，食落ok嘅。另一款就唔清楚係乜，食落鞋鞋地仲好重蔘味添。都係個句，還好啦。冇乜特別但又未到難食咁囉。