甲天下正宗桂林米粉 (已搬遷) 新店位置

作為湯麵控，桂林米粉都可以係小妹嘅最愛之一。係大陸唔同地方食過聲稱正宗嘅桂林米粉，雖然味道有啲出入，但米粉嘅口感同香味都相若。而呢間舖嘅桂林米粉唔係正宗嘅米粉，只係似普通米線，唔夠滑同米香味，外表亦唔似正宗嘅米粉咁圓。味道方面都可以，但冇左正宗嘅味道，可能因為冇酸荀呱。叫左兩個米粉，一個縲絲一個普通桂林米粉，價錢差成十蚊，但2碗好似冇咩分別。再加脆腩肉，都幾香口，但$18得幾4、5舊，其實都幾貴。對比正宗嘅係用脆豬皮，呢個淨係用料都唔同，真係好難稱得上正宗。