老馮茶居 (荃灣千色匯II)

平日去食午餐，諗住唔會好多人啦，點知都要排半個鐘，入座計90分鐘，仲只可以落單一次，唔可以加單，所以一路排隊，一路諗埋食埋先得。茶居裝飾得好特別，好有以前香港唔同鋪頭嘅裝飾同特色，好有香港味。一般茶樓點心都有，可以滿足一盅兩件嘅酒樓癮。牛栢葉平時酒樓會有蘿蔔墊底，但呢度無，真係全碟牛栢葉，份量足。咖喱魷魚流沙芋泥包靚靚紫色嘅表面，夠軟熟，芋泥唔會太甜，但未算好流沙，還好。牛腩腸粉牛腩好稔，牛腩汁好香又惹味，腸粉又滑，2者配合都好好。雖然我以為牛腩腸粉應該係裏面包牛腩，而唔係表面，但都可以接受。如果唔使排隊，可以再試。