Niku Niku (已結業)

而家疫情嚴重，約到好朋友出尼食飯當然想食一餐好，搵呢一間日本烤肉係因為一個電視宵夜節目嘅介紹，試左重點推介嘅牛湯麵，的確係好好食！但好可惜我地都唔會再尼，因為服務太差！我地兩個人第一次幫襯，唔想揀當然係叫二人前嘅套餐，滾水淥腳咁上哂嘅前菜沙律生牛肉同海膽牛肉卷，一次過要我地食，點解唔可以慢慢上？好啦...終於食完，等左陣無人理我地，又要叫先識上烤肉俾我地...上烤肉果陣，個服務員好好人咁問我地駛唔駛幫手燒，有服務當然接受啦，但佢竟然燒到一半走左第到去執檯，我地唔係介意佢有其他野做，而係佢行去執完檯都無返尼處理過我地舊牛肉，最終舊牛肉變左舊炭！或者我地唔係熟客啦，所以佢要去執檯俾左熟客先。不過我地都無機會會做到呢間餐廳嘅熟客啦，因為「無下次」