大快活 (電氣道)

營業中

休息中

試過咁多間大快活，最可怕嗰間喺灣仔嘅大快活，地方又污糟，啲嘢又難食。然後港島區 入面，試過最好食嘅就係呢一間。佢喺砲台山同天后中間，地方有啲隔涉，因為唔近地鐵站。但係亦都可能因為咁，所以食物質素有番咁上下，因為人流少嘛。所以食物質素幾好同埋keep得到。之前試過唔同種類嘅小炒，都炒得幾好。有營餐更加唔再話下啦。今次試左京都肉排飯，上到枱時外層仲係脆脆哋。應該係新鮮整，所以感覺好新鮮， 真係值得推薦大家嚟呢一間食 。同埋佢地方算係大，人流唔多，打邊爐就最啱㗎啦，可以慢慢坐。