Kobe Beef Meat Pie (已結業)

Sogo裝修完之後多左好多野食，我地都去過幾次，不過都未正式消費過，主要係最初真係超級無敵多人。 睇勻咁多檔，比較有興趣只有呢間神戶牛肉批想試，因為次次行過都聞到好香。週日12點零鐘居然冇人，所以買左一個原味試試。佢地一共供應3款批：神戶牛肉批、咖喱神戶牛肉批、紅玉蘋果批，除左蘋果批係$33，其餘兩款都係$38。雖然睇落都出爐一段時間，但拎上手都仲係溫的。神戶牛肉批 $38牛肉批圓形，外層嘅酥皮食落都幾脆，但油膩感重…諗住咬一口影相，睇睇裡面嘅餡料，足足咬左三四啖都未見蹤影，實情只有少得可憐嘅餡料。 所謂神戶牛肉，已經被搞至粉身碎骨，變左神戶牛肉碎…肉碎食落普通不過，唔講只會以為係一般牛肉，裡面混有類似雞蛋物體，一樣係碎濕濕，口感硬實。係肉汁定油，傻傻分不清，挺膩口。38蚊，有點肉赤。