影片
更多
2024-02-04
312 瀏覽
上個月尾有晚去咗呢度同朋友飯聚, 第一次幫襯, 試咗幾款嘢食都好滿意, 睇得出係有heart製作食物, 整體好impressed! <蘇梅杏片蝦>呢款冷盤幾有驚喜, 虎蝦刺身新鮮爽彈, 配合埋酸酸甜甜嘅醬汁同脆卜卜嘅杏仁片一齊食, 相當之夾同開胃~<日式叉燒麻糬堡 配手工炸薯條>呢個係相當滿意嘅一碟, 首先用麻糬嚟做漢堡皮已經幾盞鬼, menu寫住麻糬係用窩夫機新鮮烘夾出嚟, 食落口感煙韌相當唔錯~ 而日式叉燒比起喺拉麵舖食開嗰種好食好多! 叉燒肉質半肥瘦 一啲都唔柴, 而且望落係炙燒過 所以味道勁香, 中間夾住嘅沙律菜同蕃茄亦都剛好中和咗叉燒嘅一點點油脂~ 啲薯條色澤金黃, 一樣整得好好味, 炸得好香脆, 而且口感特別, 同坊間食開嘅唔同的~ btw 佢仲可以加錢轉炸菇條或炸南瓜<鰻魚炒飯>炒飯上枱時香噴噴, 賣相相當之吸引, 個飯炒得好靚 做到米粒分明, 珍珠米嘅口感亦都飽滿煙韌. 最緊要係鰻魚汁嘅味道都好恰當, 帶一點甜, 又唔會過鹹. 鰻魚份量仲要好大方又大大粒, 可以食到鰻魚綿密同軟嫩嘅口感~ 入面仲夾雜啲翠玉瓜, 甘荀,洋蔥
<蘇梅杏片蝦>
呢款冷盤幾有驚喜, 虎蝦刺身新鮮爽彈, 配合埋酸酸甜甜嘅醬汁同脆卜卜嘅杏仁片一齊食, 相當之夾同開胃~
蘇梅杏片蝦
7 瀏覽
0 讚好
0 留言
呢個係相當滿意嘅一碟, 首先用麻糬嚟做漢堡皮已經幾盞鬼, menu寫住麻糬係用窩夫機新鮮烘夾出嚟, 食落口感煙韌相當唔錯~ 而日式叉燒比起喺拉麵舖食開嗰種好食好多! 叉燒肉質半肥瘦 一啲都唔柴, 而且望落係炙燒過 所以味道勁香, 中間夾住嘅沙律菜同蕃茄亦都剛好中和咗叉燒嘅一點點油脂~
啲薯條色澤金黃, 一樣整得好好味, 炸得好香脆, 而且口感特別, 同坊間食開嘅唔同的~ btw 佢仲可以加錢轉炸菇條或炸南瓜
日式叉燒麻糬堡 跟手工炸薯條
10 瀏覽
0 讚好
0 留言
日式叉燒麻糬堡 跟手工炸薯條
5 瀏覽
0 讚好
0 留言
炒飯上枱時香噴噴, 賣相相當之吸引, 個飯炒得好靚 做到米粒分明, 珍珠米嘅口感亦都飽滿煙韌. 最緊要係鰻魚汁嘅味道都好恰當, 帶一點甜, 又唔會過鹹. 鰻魚份量仲要好大方又大大粒, 可以食到鰻魚綿密同軟嫩嘅口感~ 入面仲夾雜啲翠玉瓜, 甘荀,洋蔥, 蛋等等, 加添多啲口感!
鰻魚炒飯
2 瀏覽
0 讚好
0 留言
因為覺得個炸薯條太正所以再專登叫多一客! 一樣係熱辣辣炸起, 每條都好粗身, 望落係原隻薯仔切一條條咁炸, 所以食到真薯仔肉嘅口感~
炸手工薯條
3 瀏覽
0 讚好
0 留言
一向食日本嘢都好鍾意叫清酒煮蜆, 因為清酒同蜆實在是絕配! 第一時間飲啖湯試下先, 個湯好香濃好鮮味 飲咗好多啖! 蜆嘅份量好足而且新鮮, 用清酒煮令到蜆肉食落更加鮮甜!
清酒煮蜆
1 瀏覽
0 讚好
0 留言
雖然已經飽咗7成, 但都想叫呢度出名嘅烙芙甜品試下. 入口有泡芙嗰種輕盈鬆軟, 食多幾舊都零負擔. 抹茶醬質地幼滑細膩, 茶味甘香醇厚, 每啖都有陣陣回甘! 配埋濃郁綿密嘅紅豆, 整體甜而不膩, 真心好食!
抹茶紅豆烙芙
4 瀏覽
0 讚好
0 留言
<焦糖瑪奇朵>
見到隔離枱杯啡好吸引, 忍唔住都嗌一杯試試. 云云選擇之下 揀咗Caramel Macchiato, 焦糖味夠突出, 奶味同咖啡味都好balanced 好香! 上面仲有兩粒爆谷點綴下~
焦糖瑪奇朵
2 瀏覽
0 讚好
0 留言
張貼
