和牛燒肉‧純 (已搬遷) 新店位置

今日又同個仔出咗去中央圖書館做功課資料蒐集，做下做下又幾個鐘又到食飯時間啦，當然又係要問下個衰仔嘅意見啦！衰仔都係果句我要食牛肉，尋日食完火鍋，今日又話要食燒牛肉。佢成日問我幾時會再去日本，因為近排返工實在太忙，去唔到日本食靚牛，咁就係香港食返餐好少少，記得之前喺尖沙咀食過一間和牛燒肉純，食嘅牛係取自鳥取個邊，原來銅鑼灣都有分店，今次就再食多次啦！五點九上到去，仲係準備中，未到六點，係門口坐一陣，好好彩，我地係第一個walkin 客，仲有位比我地，親眼見住有其他客人六點十五分黎到已經不能walk in入座，㫮因訂位已滿，所以訂左位既記得唔好失約啊！想食又記得訂位啊！今次點左上肉眼，牛肩肉，五花肉，胸外復，肉眼扒同牛肩肉脂肪比例平均，脂肪紋好靚，每邊燒十零秒已發出陣陣牛肉香味，簡單點啲海鹽同黑椒已經震懾味雷！如果想試吓入口即溶，鍾意牛油味嘅朋友，強烈建議點肉眼同牛肩，個衰仔好識食過不停。另外個五花肉同埋胸外腹，多汁嫩口，性價比高，加多兩杯麒麟生啤，大滿足！