和牛燒肉一郎 (百誠大廈)

營業中

休息中

嘿嘿，又係放題時間，今次揀咗呢間和牛燒肉一郎嘅放題。揀咗個Course D啱啱唔係星期五同埋週末，所以優惠價只係$478就可以食到和牛，而且仲係黑毛和牛。我總共可以品嚐到4款唔同嘅牛肉部位，每一種放喺烤盤上烤嘅味道都唔同，有啲就甜甜地，有啲就特別軟，有啲就鹹脆，真係好滿足呢種和牛自助。海鮮方面，原隻魷魚筒一上枱仲未烤之前成隻就係晶瑩剔透嘅，睇上去就係好好食嘅樣，烤嘅時候你會見到魷魚會即刻捲起來，但係唔可以烤太耐，唔然就會好難咬斷，大概烤5分鐘就可以沾住醬汁一齊食啦，而且會好Q彈。M9薄炙牛里脊肉烤完之後，口感真係好出色。因為薄炙，牛肉表面微微焦香，但內裡仍然保持嫩滑多汁。咬落去時，肉質非常細嫩，同時帶有和牛特有嘅油花，充滿濃郁嘅牛肉香味。味醂魚乾經過處理之後都係超好食嘅，有啲甜味，魚肉方面比較有嚼勁。特選拌生牛肉亦都係必叫嘅一道料理，牛肉唔係完全生嘅，有燒過一陣，再將蛋同牛肉攪拌埋一齊，令到整體變得比較濃稠，再嘗一口，口感唔會覺得好生，仲可以感受到肉嘅柔嫩感。熟成壺漬牛肋肉真係好經典，肉都裹著燒肉味噌醬，經過燒烤後，會有焦香嘅外皮同一啲微甜嘅味道。今日真係食咗好多蛋白質。