椰粉湯紅 (已結業)

雖然知道呢間餐廳係主打飲湯嘅，但一個人買外賣食唔到咁多野，淨係飲湯又好似唔夠飽，所以就決定叫個和牛椰香蛋包飯，再跟餐配一個菜心。飯同湯都有好多選擇，飯同湯都加入左椰子！一打開個盒見到個賣相好有驚喜，因為個蛋白飯唔係我想像中平時見開嘅橢圓形一舊，而係好似軟雪糕嘅旋渦咁樣，望落個賣相已經覺得佢嘅質感係好順滑！蛋包飯裡面嘅飯雖然只係普通嘅白飯，但由於個蛋好柔軟順滑，蛋香味濃，再淋上鮮甜嘅椰漿，食嘅時候並唔會覺得清寡，而燒香嘅和牛粒亦非常可口，仲保留左和牛嘅軟嫩，有入口即溶嘅感覺，非常高質！估唔到呢間主打燉湯嘅餐廳主食質素都好好，下次就來買呢度嘅燉湯試下！