影片
更多
2012-12-28
170 瀏覽
當煩惱緊去邊度同好友慶祝生日之際，得到日本同事介紹呢間新開嘅和風洋食餐廳，所以就BOOK黎試下新野。（註：後來先知原來HAL'S舊舖係中環，聽我日本朋友講早幾年有次木村拓哉黎香港做野時幫襯過舊中環店架～） 餐廳唔係好大，大約一半滿，大部份都係衣著斯文嘅日本人。環境唔嘈，岩晒我地人少少傾下計食下飯。而且我好鍾意佢個OPEN KITCHEN，因為可以順便欣賞下大廚煮野過程～由於係和風洋食，所以餐牌除左有日式刺身，天婦羅之外，亦有好多FUSION菜。我地心多多想試多幾樣，所以無叫SET，４個人叫A LA CART share食。溫泉蛋沙律 牛油果拌八爪魚日式炸豆腐刺身拼盤（細）－ 雖然只係叫左細拼盤，不過份量都好足，仲有有海胆添～ 大根鵝肝（大根＝蘿蔔）－極力推介呢個fusion dish＊＊ 蘿蔔吸收晒鵝肝嘅精華，配上一個好香好好味嘅汁（甜甜地，我估當中有甜面豉）呢個好味到我地encore再叫一份！PIZZA風燒茄子﹣ 幾得意，未試過咁食茄子，原來配PIZZA醬同芝士一齊燒都幾好食～ 薄燒牛肉﹣ 太心急食左先知唔記得影相當日的Chef's Special～左邊嘅炸物係Croquette，裡
（註：後來先知原來HAL'S舊舖係中環，聽我日本朋友講早幾年有次木村拓哉黎香港做野時幫襯過舊中環店架～）
餐廳唔係好大，大約一半滿，大部份都係衣著斯文嘅日本人。環境唔嘈，岩晒我地人少少傾下計食下飯。而且我好鍾意佢個OPEN KITCHEN，因為可以順便欣賞下大廚煮野過程～
由於係和風洋食，所以餐牌除左有日式刺身，天婦羅之外，亦有好多FUSION菜。我地心多多想試多幾樣，所以無叫SET，４個人叫A LA CART share食。溫泉蛋沙律
牛油果拌八爪魚
日式炸豆腐
刺身拼盤（細）
－ 雖然只係叫左細拼盤，不過份量都好足，仲有有海胆添～
大根鵝肝（大根＝蘿蔔）－極力推介呢個fusion dish＊＊ 蘿蔔吸收晒鵝肝嘅精華，配上一個好香好好味嘅汁（甜甜地，我估當中有甜面豉）呢個好味到我地encore再叫一份！
PIZZA風燒茄子﹣ 幾得意，未試過咁食茄子，原來配PIZZA醬同芝士一齊燒都幾好食～
薄燒牛肉
﹣ 太心急食左先知唔記得影相
當日的Chef's Special
～左邊嘅炸物係Croquette，裡面有cream同海鮮配料；右面係bacon包住帶子。兩款都好香口，幾好食～
炖牛肉（beef stew）
﹣ 另一推介＊＊ 個汁好濃郁好有層次，我諗要用好多好多材料再"拗"好耐先有呢個味道！炖到好冧嘅牛肉，配菜嘅薯仔同紅蘿蔔全部都係入口即溶，超正！！淨係呢個可以餸到好多碗白飯！
日式奄列飯﹣當然我地無叫白飯，而係點左呢個奄列飯，同樣嘅濃汁配上奄列同雞肉茄汁飯，都好好味！
Dessert Platter
～很喜歡因為一次過可以滿足幾個願望。個人特別鐘意Apple Pie及Chocolate cake - Apple Pie係新鮮剛焗好的，而Chocolate cake加入了橙酒，是我很喜歡的味道～
其實好多大餐廳嘅大廚都已經好少親自落手落腳煮，所以好喜歡呢種類似Private Kitchen嘅樓上餐廳，因為可以感受到大廚嘅誠意同真功夫。喺呢度真係成晚睇住日本大廚一個人表演，由頭煮到尾，讚！雖然得佢一個人，好彩上菜速度都算OK，無話要等好耐～ 我地四個人都好滿意呢餐充滿誠意嘅晚飯，希望佢地keep住，下次再黎嘅時候仍然有呢個水準啦～
題外話/補充資料：
四個人點左好多野食，再叫埋啤酒，日本清酒同紅酒，埋單共$2500，算幾抵～
(以上食評乃用戶個人意見 , 並不代表OpenRice之觀點。)
張貼
