大排檔小炒 (華發大廈)

營業中

休息中

今次試第二間大排檔😚 當日未到六點門口已經有人等開門 星期日夜晚座位都坐到7788今次點咗三個招牌試下😛😛拔絲咕嚕肉 $128 係呢度嘅招牌菜 份量真係幾多🥹每舊都大大件 每件都啖啖肉冇骨 外皮脆得好脆 酸甜適中😙 連啲椒同洋蔥都好好食乾燒蝦油粉絲煲 $128有白菜粒蝦仁同蛋 熱辣辣好香 粉絲真係一樣好好食嘅嘢🥺將成煲野既精華吸哂 因為食食吓冇郁到底層啲粉絲 竟然燒到焦脆🤣 但呢個菜凍咗就覺得有啲鹹 所以要快啲食咗佢😉！小炒王 食大排檔我都好鍾意叫呢個 我個人幾鍾意食韭菜花 有好多唔同嘅配料 有蝦乾、炸豬皮、腰果等等 口感好豐富😆