咖吔

營業中

休息中

仲記得好耐之前黎過呢一間北角匯咖吔食新加坡菜，之後每次經過都見到好多人。今晚收工之後又黎食返餐。主餐牌有新加坡出名菜式，肉類，海鮮，輕食，小食，沙律，蔬菜，飯麵，甜品，啤酒，飲品等等。海南雞飯拼喇沙米線 $116 另加一我鍾意呢度有組合可以一個餐試兩種新加坡特色主食。喇沙米線係幼白色，好滑，個湯底好香椰汁同咖哩味，味道調得好，好惹味。配料有半片去殼蝦，魚蛋條幾條幼條，洋蔥絲，爽口芽菜，吸湯豆腐卜同半隻糖心蛋，份量都幾啱。海南雞有十幾件，有雞脾，雞胸同雞翼，今次雞胸肉比較多，不過都唔太韌。點甜豉油最好食，另外仲有辣醬同薑蓉。配3片爽口青瓜。油飯好香，暖暖地上枱，都大大碗。參峇醬燒豬頸肉 $85 另加一參峇醬燒豬頸肉一客8片，切割好有心思，燒得脆脆地而肉質爽口，好味道。伴有青瓜粒，洋蔥絲同半粒車厘茄可解膩。個參峇醬少少辣，好惹味。馬拉盞炒通菜 $72 另加一馬拉盞炒通菜熱辣辣上枱，味道較得好，超惹味，加上好多蒜蓉，通菜都好嫩。又健康又美味既一道素菜。上菜快捷，座位都舒適，價錢都可以呀。