咖吔

營業中

休息中

餐廳：咖吔地點：北角匯菜式：新加坡菜餐牌：午市套餐16主食選一，包飲品10選一，某些飲品要加錢。除左主食，都有甜品同多款輕食。另加一。大蝦青木瓜沙律 $68 另加一大蝦青木瓜沙律有去殼蝦兩隻開邊，下底係青木瓜絲撈青瓜絲撈紅蘿蔔絲撈少量青豆角加紫梛菜絲，伴有車厘茄。味道都頗辣。參峇醬燒豬頸肉 $78 另加一參峇醬燒豬頸肉一客10片左右，切割好有心思，肉質好有咬口，食落啖啖肉。伴有青瓜粒，洋葱絲同半粒車厘茄可解膩。另上參峇醬比你自己調味。個參峇醬少少辣，好惹味。班蘭咖吔多士 $28 另加一班蘭咖吔多士一客四件，每件半份。烤得脆口多士入面一大片厚身牛油同班蘭咖吔醬。參峇醬怡寶芽菜 $38 另加一參峇醬怡寶芽菜熱辣辣上枱，芽菜份量唔少，面頭加上蔥花同脆碎，味道唔錯，微微辣。馬來街頭椰子雪糕 $56 另加一馬來街頭椰子雪糕有三款口味揀，包括榴槤，椰子，拉茶。我揀左榴槤。馬來街頭椰子雪糕原來係半個椰子上面有雪糕球兩個，面頭加上粟米粒同椰子肉。榴槤雪糕好硬，榴槤味香。原來雪糕夾爽口粟米粒係咁好食，椰肉都好爽口！座位都舒適，裝修光猛。